Velosporttan Qazaqstan chempıonaty tamyzda ótedi
NUR-SULTAN. QazAqparat – Qazaqstan velosıped sporty federatsııasy Halyqaralyq velosıpedshiler odaǵynyń jańa kúntizbesine sáıkes el chempıonaty ótetin jańa merzimdi bekitti, dep habarlaıdy QazAqparat.
Ulttyq Olımpıada komıtetiniń habarlaýynsha, el birinshiligi 16-23 tamyz aralyǵynda Petropavl qalasynda ótedi.
17 tamyz kúni jasóspirimder arasyndaǵy krıterıým jarysy, 18 tamyz kúni eresekter men jasóspirimder arasyndaǵy komandalyq báseke uıymdastyrylady.
19 tamyz kúni jasóspirimder arasyndaǵy jekeleı syn, 20 tamyz kúni eresekter arasyndaǵy jekeleı syn jeńimpazdary anyqtalady. 21,22,23 tamyz kúnderi toptyq jarys josparlanǵan. Koronavırýs indetine baılanysty aldaǵy ýaqytta ózgerister bolýy múmkin.
