Velosporttan Azııa chempıonatynda omnıým velokópsaıysy jarysynda Dıas Ómirzaqov úzdik sportshy atandy
ASTANA. QazAqparat - Velosporttan Azııa chempıonatynda jarystyń tórt kúndik qorytyndysy boıynsha qytaılyq trekshiler 10 altyn, 4 kúmis jáne 1 qola medal ıelendi.
Medaldik esepte ekinshi orynda - Ońtústik Koreıa (6 altyn jáne 6 qola medal), úshinshi orynda - Gonkong quramasy (3altyn, 3 kúmis jáne 4 qola). Qazaqstan quramasy velotrekten burynǵysynsha 4 medalǵa ıe (2altyn, kúmis jáne qola). Búgin, 25 mamyrda, jarystar barlyq jastaǵy erler men áıelder arasynda komandalyq sprınttiń jartylaı fınalynan bastaldy, omnıým (jeke qýalaý jarysy) jarysynyń kelesi kezeńimen jáne erler sprıntimen jalǵasty. Kúnniń ekinshi jartysynda sprınt boıynsha fınaldyq jarystar (barlyq jastaǵy erler), áıelder arasynda komnadalyq sprınt, gıt jarystary (erler - 1 shaqyrym, áıelder 500 metr), jáne omnıým boıynsha gıt (erler men áıelder). Búgin qazaqstandyq sportshylar arasynda omnıým velokópsaıysy jarysynda úzdik sportshy ataǵyna Dıas Ómirzaqov ıe boldy. Qazaqstandyq sportshy márege birinshi keldi, biraq jalpy esepte úzdik úshtikke ene almaı, 6-ynshy oryndy qanaǵat tutty. 26 mamyrda «Saryarqa» velotreginde trektegi jarystardyń sońǵy kúni ótedi. Barlyq jastaǵy erler men áıelder arasynda keırıng boıynsha jarystar bolady, jasóspirim qyzdar arasynda quramalyq qýalaý jarystary men upaı boıynsha jarystar fınaly ótedi. Velosport boıynsha Azııa Chempıonatynyń estafetasy Qaraǵandyǵa bet alady, ol jaqta 28 mamyrda shosse velojarystary bastalady.
