Velosporttan Azııa chempıonaty: Almatyda joldar jabylady

ALMATY. KAZINFORM - Almatyda alǵash ret 5-12 maýsym aralyǵynda tasjol velosporttan Azııa chempıonaty ótedi. Osyǵan baılanysty joldyń keıbir aýmaǵynda qozǵalys ýaqytsha ózgeredi.

Almaty ákimdiginiń málimetinshe, turǵyndarǵa yńǵaıly bolý úshin joldyń bir jaǵy jabylyp, ekinshi jaǵynda keri qozǵalys uıymdastyrylady.

6-12 maýsym aralyǵynda keıbir kóshede jol qozǵalysyna shekteýler engiziledi.

6, 7, 8 maýsymda saǵat 09:00–den 17:00–ge deıin B.Momyshuly kóshesiniń batys jaǵymen soltústik baǵytta «Almaty Arena» kesheninen Saıyn kóshesine deıingi aýmaqta jol jabylady. Joldyń shyǵys jaǵynda keri qozǵalys uıymdastyrylady.

9, 10, 11, 12 maýsymda:
B.Momyshuly kóshesiniń batys jaǵyndaǵy jol boıy «Almaty Arena» kesheninen Almaty ındýstrııalyq aımaqqa deıin kólik qozǵalysy shekteledi. Sondaı-aq, joldyń shyǵys jaǵynda keri qozǵalys uıymdastyrylady.

Joldardy jabý kestesi:

9 maýsym 09:00–den 18:00–ge deıin;
10 maýsym 07:00–den 11:00–ge deıin; 12:00–den 16:30–ǵa deıin;
11 maýsym 07:00–den 13:00–ge deıin;
12 maýsym saǵat 9:00–den 14:30–ǵa deıin.

«Qala turǵyndary men qonaqtarynan ýaqytsha qolaısyzdyqqa túsinistikpen qaraýdy jáne baǵyttaryn aldyn ala josparlaýdy suraımyz»,- delingen habarlamada.

Buǵan deıin Azııa chempıonatynda el namysyn qorǵaıtyn sportshylar týraly jazǵan edik.