Velosportshy Artem Zaharov olımpıadalyq lıtsenzııa úshin kúreste jeńiske bir taban jaqyndady
ASTANA. QazAqparat - Londonda trekte velosıped sporty boıynsha álem chempıonaty ótip jatyr. Oǵan Qazaqstan quramasy da qatysýda, dep habarlady Qazaqstannyń velosprot federatsııasynyń baspasóz qyzmetinen.
El namysyn Robert Gaıneev, Nıkıta Panasenko jáne omnıým (kópsaıys) boıynsha olımpıadalyq lıtsenzııaǵa úmitti Artem Zaharov qorǵaıdy.
Jarystyń birinshi kúninde Robert Gaıneev skretch synynda on segizinshi orynda keldi. Toptyq jarysta kúsh synasqan Nıkıta Panasenko upaı boıynsha úzdik ondyqtyń qataryna endi.
Artem Zaharov omnıým trektik synynda Olımpıadaǵa joldama alýy múmkin.
15 shaqyrymdyq skretch jarysynda Artem Zaharov ekinshi bolyp jetti. Jeke synda ol jetinshi orynǵa ıe boldy. Atap óteıik, otandasymyz bul jarysta - azııanyń rekordsmeni. Osylaısha, úsh synda qazaqstandyq jalpy esepte besinshi orynda tur.
Álem birinshiliginiń sońǵy jarys kúninde 2016 jylǵy Olımpıadaǵa joldama alýǵa múmkindik beretin upaılardyń basym bóligi oınatylady.
