Velosport: Valerııa Kýznetsova jasóspirimder Azıadasynda kúmis júlde aldy

ASTANA. KAZINFORM – Tas joldaǵy velosporttan Qazaqstan quramasy Manama qalasynda (Bahreın) ótip jatqan jasóspirimder arasyndaǵy Azııa oıyndarynda úshinshi medalin jeńip aldy. 

28 qazanda qyzdar arasynda komandalyq saıys ótti. Ulttyq olımpıadalyq komıtettiń málimetinshe, qazaqstandyq sportshy Valerııa Kýznetsova márege ekinshi bolyp jetti.

Ózbekstandyq Gýlhae Sattorova jeńis tuǵyryna kóterildi. Gonkong ókili Chın Kıý Loý úzdik úshtikti túıindedi. 

Anel Tashbaı – 9-oryn, Irına Ivanovskaıa – 10-oryn, Karına Mıskova 19-oryndy ıelendi.

Aıta keteıik, tas joldaǵy velosporttan Qazaqstan quramasy jasóspirimder arasyndaǵy Azııa oıyndarynda el qorjynyna úshinshi júldeni saldy. Buǵan deıin aralas komanda men Anel Tashbaı altyn medal jeńip alǵan bolatyn.