Velosport: «Tinkoff Saxo Bank» «Astana» klýbyna qosylýdy josparlaýda
ASTANA. QazAqparat - Tanymal reseılik kásipker, «Tinkoff Saxo Bank» velokomandasynyń quryltaıshysy Oleg Tınkov radıostantsııalardyń birine bergen suhbatynda óz komandasyn qazaqstandyq «Astana» veloklýbyna qosý jóninde kelissóz júrgizip jatqandyǵyn málim etti, dep habarlaıdy astanafans.com.
Mundaı qyzyǵýshylyq banktiń bolashaq josparynan týyndap otyr. Kóp jyldan beri Reseı naryǵynda jumys jasap kele jatqan bank jańa aýmaqtarǵa, sonyń ishinde Qazaqstan naryǵyna shyǵýdy kózdeýde. Reseıdegi qarjylyq naryqtyń turaqsyzdyǵynan bank jańa elderge oıyspaq, al Qazaqstandaǵy velosporttyń tanymaldylyǵyn eskeretin bolsaq, budan jaqsy jarnama, sirá tabyla qoımas.
Eger eki klýb birigetin bolsa, bul velosporttaǵy eń eleýli oqıǵalardyń biri bolmaq. «Astana» klýbynyń sapynda talaı ret qanjyǵasyna túrli gran-týrlardyń kýboktaryn baılaǵan Alberto Kontador qazirgi ýaqytta «Tınkov bank» komandasynyń sapynda óner kórsetip júrgendigin aıta keteıik.
