Velosport: Mahabbat Úmitjanova el spartakıadasynyń jeńimpazy atandy
NUR-SULTAN. QazAqparat - Aqmola oblysyna qarasty Şýchınsk qalasynda velosporttan Qazaqstannyń besinshi spartakıadasy ótip jatyr, dep habarlaıdy Olympic.kz.
Búgin erler 40 shaqyrymǵa, áıelder 25 shaqyrymǵa jarysýdan júldelerdi ózara sarapqa saldy. 25 shaqyrymǵa sozylǵan áıelder arasyndaǵy básekede Soltústik Qazaqstan oblysynyń ókili Mahabbat Úmitjanova jeńimpaz atandy. Ol atalǵan qashyqtyqty 0:39,39 ýaqyt kórsetkishinde júrip ótken. Ekinshi oryndy SQO-nyń taǵy bir sportshysy Natalıa Saıfýtdınova ıelendi. Úzdik úshtikke pavlodarlyq Rınata Sultanova engen.
Budan buryn erler arasyndaǵy jekeleı syn básekesi Alekseı Lýtsenkonyń jeńisimen aıaqtalǵanyn habarlaǵan bolatynbyz.
