Velosport: «Djıro d'Italııa» kópkúndiginiń komandalyq jarysynda «Astana» 5-shi nátıje kórsetti
ASTANA. Mamyrdyń 13-i. QazAqparat /Ernur Aqanbaı/ - Keshe «Djıro d'Italııa» kópkúndiginiń tórtinshi kezeńinde komandalyq jarys boldy.
Bul kezeńde «Astana» klýby úzdik úshtiktiń qataryna kire almady, birinshi kelgen Italııanyń Liquigas-Doimo komandasynan 0,38 sekýndqa qalyp qoıyp, 5-shi nátıje kórsetti. Al, tórtinshi kezeńge deıin kósh bastap, qyzǵylt jeıdeni kıgen Aleksandr Vınokýrov jalpy esepte birden altynshy orynǵa syrǵydy.
Komandalyq jarysta birinshi oryndy Italııanyń Liquigas-Doimo komandasy aldy. Úzdik úshtiktiń qatarynday Ulybrıtanııanyń Sky jáne AQSh-tyń Columbia komandalary bar.
Jalpy esepte kósh basyna Italııanyń Liquigas-Doimo komandasynyń ókili Vınchentso Nıbalı shyqty. Ekinshi jáne úshinshi oryndarda da atalmysh komandanyń shabandozdary Ivan Basso men Valerıo Agnolı tur. Odan keıingi oryndarǵa AQSh-tyń Columbia komandasynyń ókilderi germanııalyq Andre Greıpel men avstralııalyq Metıý Goss ornyqty. «Astana» klýbynyń kóshbasshysy jerlesimiz Aleksandr Vınokýrov ázirge altynshy orynda tur. Vınokýrov birinshi oryndaǵy Nıbalıdan 0,33 sekýnd qalyp keledi.
