Velosport: «Djıro d'Italııa» kópkúndigindegi «Astana» komandasynyń bas úmiti Kroıtsıger 7-shi orynda keledi
ASTANA. 20 mamyr. QazAqparat /Jasulan Amanbaıuly/ - Jazyq trassanyń sheberi veloshabandoz Mark Kavendısh «Djıro d'Italııa» kópkúndiginiń 12-kezeńinde kómbege birinshi keldi.
«NTS-Haıroýd» komandasynyń veloshabandozy sýper velojarysta osymen ekinshi ret jeńiske jetti. 184 shaqyrymnan kezeń Kastelfıdardo men Ravenna qalalary arasynda, jazyq trassada ótken bolatyn. Komandasynyń óte saýatty taktıkasynyń arqasynda aǵylshyndyq sportshy 4:17.25 ýaqytymen máreni birinshi bolyp kesti. Al kómbege birer shaqyrym jaqyndap qalǵan pelotonnyń jartysy qulap qaldy. Sondyqtan týrdyń uıymdastyrýshylary pelotondaǵylardyń kelgen ýaqytyn jeńimpazdyń ýaqytymen teńestirdi. Osylaısha jalpy eseptegi kórsetkishter ózgerissiz qaldy
Ispandyq veloshabandoz Alberto Kontador «Djıro d'Italııa» kópkúndiginiń qyzǵylt jeıdesin ózinde saqtap qaldy.
Djıro d'Italııa sýperkópkúndik 21 kezeńnen turady.
Bas klassıfıkatsııa boıynsha birinshi orynda Kontador (Ispanııa, Saksobank) tur - 44:55.16.
Kontadordan 1 mın 41 sekýndqa qalyp kele jatqan «Astana» komandasynyń bas úmiti Roman Kroıtsıger (Chehııa) ázirshe 7-orynda.
