Velosport: «Djıro d'Italııa» kópkúndiginde A. Vınokýrov jalpy esepte 7-shi orynda keledi
ASTANA. Mamyrdyń 26-sy. QazAqparat /Ernur Aqanbaı/ - Djıro d'Italııa» kópkúndiginiń sóreden jeke shyǵyp 12,9 shaqyrymǵa jarysqan on altynshy kezeńinde «Astana» klýbynyń kapıtany qazaqstandyq áıgili veloshabandoz Aleksandr Vınokýrov segizinshi oryn aldy.
Jerlesimiz birinshi oryn alǵan Acqua & Sapone komandasynyń ókili ıtalııalyq Stefano Gartsellıden (ýaqyty: 0:41:28) 1 mınýt 37 sekýndqa qalyp qoıdy. Sóıtip on altynshy kezeńnen keıin jalpy esepte 7-shi orynda keledi. A. Vınokýrov jalpy esepte 1-shi orynda turǵan Caisse d'Epargne komandasynyń ókili ıspanııalyq Davıd Arroıodan 5 mınýt 12 sekýndqa qalyp keledi. 2-shi orynda Liquigas-Doimo komandasynyń ókili ıtalııalyq Ivan Basso (2,27), al 3-shi orynda Saxo Bank komandasynyń ókili avstralııalyq Rıchı Porte (2,36) tur.
