Velosport: Búgin «Djıro d'Italııa» kópkúndiginde komandalyq jarys bolady
ASTANA. Mamyrdyń 12-si. QazAqparat /Ernur Aqanbaı/ - Búgin «Djıro d'Italııa» kópkúndiginiń mańyzdy kezeńderiniń biri - komandalyq jarys bolady. Bul jarysqa qatysyp jatqan «Astana» klýby úshinshi kezeńnen keıin jerlesimiz Aleksandr Vınokýrov kıgen jalpy eseptegi kóshbasshynyń qyzǵylt jeıdesin saqtap qalýǵa tyrysady.
Bizdiń komandanyń bir artyqshylyǵy - olar jarys jolyna sóreden sońǵy bolyp shyǵady. Atap óterligi, jarysty uıymdastyrýshylar týrnırge komandalyq jarysty osymen qatarynan tórtinshi jyl qosyp otyr. Bıylǵy maýsymda jarystyń baǵytyna qyratty joldar qosylmaǵan. Eger de komandalyq jarysta qyratty tustar bolǵanda, Vınokýrov pen onyń komandalastarynyń jalpy esepte kóshbasshylyqty saqtap qana qoımaı, sońyndaǵy básekelesterinen uzap ketýge múmkindigi mol bolar edi.
Aıta keteıik, «Astana» klýbynyń ókili, qazaqstandyq áıgili veloshabandoz Aleksandr Vınokýrov «Djıro d'Italııa» kópkúndiginiń úshinshi jarys kúninen keıin jalpy esepte birinshi orynǵa shyǵyp, ústine kóshbasshynyń qyzǵylt jeıdesin kıdi. Jalpy esepte Aleksandrdyń izin-ala Saxo Bank komandasynyń ókili avstralııalyq Rıchı Porte men Garmin komandasynyń namysyn qorǵaýshy brıtandyq Levıd Mıllar keledi.
