Velosport: Asylhan Turar Azııa kýbogynda «altyn» enshiledi
QYZYLORDA. QazAqparat - Úndistannyń astanasy Nıý - Delı qalasynda velosporttan erler arasynda ótken Azııa kýbogynda Qyzylorda qalasyndaǵy № 3 oblystyq velosport jónindegi olımpıadalyq rezervtiń mamandandyrylǵan balalar-jasóspirimder mektebiniń sportshysy Asylhan Turar altyn medal ıelendi.
Bul týraly QazAqparat tilshisi habarlady.
Ol velosporttyń eń aýyr túri - omnıým jarysynda jeńimpaz atanyp, elimizdiń abyroıyn asqaqtatty. Sondaı-aq, jekeleı jarysta qola júldeni enshilep, Qazaqstan quramasynyń qorjynyndaǵy júldeler sanyn tolyqtyrdy.
A.Turar velosporttan jastar arasynda 4 dúrkin, eresekter arasynda 4 dúrkin Qazaqstan jeńimpazy. Taılandta jastar arasynda ótken Azııa chempıonatynyń jeńimpazy, QR halyqaralyq dárejedegi sport sheberi.
Onyń bapkeri joǵary deńgeıdegi joǵary sanatty jattyqtyrýshy Jandos Mahambetov.
Endi Asylhan qarasha aıynda ótetin Álem kýbogynda top jarýdy kózdep otyr.
