Velosport: «Astana» klýbynyń kóshbasshysy Kontador osy maýsymdaǵy alǵashqy jarysyn bastaıdy
ASTANA. Aqpannyń 16-sy. QazAqparat /Ernur Aqanbaı/ - Aqpannyń 17-si men 21-i aralyǵynda Portýgalııada velosporttan «Volta ao Algarve» týrnıri ótedi.
Oǵan «Týr de Fran-2009» kópkúndiginiń jeńimpazy ıspanııalyq Alberto Kontador bastaǵan «Astana» veloklýbynyń ókilderi de qatysady, dep habarlaıdy QazAqparat.
«Volta ao Algarve» týrnıri birneshe taýly kezeńderden turady. Al, jarys 17 shaqyrymǵa ýaqytqa jarysýdan aıaqtalady. Bul jarysta «Astana» komandasynan Alberto Kontador, Devıd-de la Fýente, Maksım Gýrov, Andreı Grıvko, Djesýs Hernandes, Denıel Navarro, Denıel Noval jáne Sergeı Renev qatysady. Bul «Astana» komandasynyń kóshbasshysy Kontadordyń bıylǵy maýsymdaǵy alǵashqy jarysy bolmaq.
Osy týrnırge bizdiń komandanyń bıylǵy jylǵy basty qarsylasy «RadioShack» komandasy da myqty qurammen qatysady. RadioShack-tiń quramynda byltyrǵy maýsymda «Astana» sapynda óner kórsetken nemis Andreas Kleden jáne amerıkandyq Levaı Laıfaımer bar. Byltyr «Astana» namysyn qorǵaǵan Andreas Kleden «Týr de Frans» kópkúndiginde A. Kontadordyń jeńiske jetýine kómektesip, ózi jalpy esepte 6-shy oryn alǵan bolatyn.
