Velosport: A. Vınokýrov «Djıro d'Italııa» kópkúndiginde qaıtadan kósh bastady
ASTANA. Mamyrdyń 17-si. QazAqparat /Ernur Aqanbaı/ - Astana» klýbynyń ókili, qazaqstandyq áıgili veloshabandoz Aleksandr Vınokýrov «Djıro d'Italııa» kópkúndiginiń jetinshi kezeńinen keıin jalpy esepte qaıtadan kósh kósh bastady.
Al, segizinshi kezeńnen keıin jerlesimiz ústine kıgen kóshbasshynyń qyzǵylt jeıdesin saqtap qaldy, dep habarlaıdy QazAqparat.
Jetinshi kezeńde A. Vınokýrov márege "Bı-Em-Sı» komandasynyń ókili avstralııalyq Keıdel Evans pen «Lampre» komandasynyń ókili ıtalııalyq Damıano Kýnegodan keıin úshinshi bolyp keldi. Sóıtip tórtinshi kezeńdegi komandalyq jarystan keıin (bul kezeńde «Astana» besinshi oryn alǵan bolatyn) aıyrylyp qalǵan kóshbasyndaǵy ornyn qaıtadan qaıtaryp aldy.
Al, segizinshi kezeńde A. Vınokýrov ústindegi qyzǵylt jeıdesin saqtap qaldy. Bul kezeńde jerlesimiz márege 8-shi bolyp keldi. Jalpy esepte A. Vınokýrov 29:01:26 ýaqyt kórsetkishimen birinshi orynda tur. Ekinshi orynda jerlesimizden 1 mınýt 12 sekýnd qalyp kele jatqan -"Bı-Em-Sı» komandasynyń ókili avstralııalyq Keıdel Evans, al úshinshi orynda Liquigas-Doimo komandasynyń namysyn qorǵaýshy ıtalııalyq Vınchentso Nıbalı tur.
