Velosport: A. Kontador «Týr Algarve» kópkúndiginiń birinshi kezeńinde márege 16-shy bolyp keldi
ASTANA. Aqpannyń 18-i. QazAqparat /Ernur Aqanbaı/ - Portýgalııada velosporttan «Týr Algarve» kópkúndigi bastaldy. Bıylǵy maýsymdaǵy jarysyn osy týrnırden bastaǵan «Týr de Fran-2009» kópkúndiginiń jeńimpazy, «Týr Algarveniń» qazirgi chempıony «Astana» komandasynyń kóshbasshysy Alberto Kontador márege 16-shy bolyp keldi,
dep habarlaıdy QazAqparat.
Uzyndyǵy 157,5 shaqyrymdyq bul kezeńde «Frantse de Jo» komandasynyń ókili frantsýz Benýa Vogrenar jeńiske jetti. Ekinshi oryndy «Katıýsha» komandasynyń sportshysy ıspandyq Hoana Orracha aldy. «Kolambıı» komandasynyń múshesi nemis Andre Graıpel úzdik úshtiktiń qatarynan tabyldy.
Aıta keteıik, bul jarysqa «Astana» komandasynan Alberto Kontador, Devıd-de la Fýente, Maksım Gýrov, Andreı Grıvko, Djesýs Hernandes, Denıel Navarro, Denıel Noval jáne Sergeı Renev qatysýda. Osy týrnırge bizdiń komandanyń bıylǵy jylǵy basty qarsylasy «RadioShack» komandasy da myqty qurammen qatysyp jatyr. RadioShack-tiń quramynda byltyrǵy maýsymda «Astana» sapynda óner kórsetken nemis Andreas Kleden jáne amerıkandyq Levaı Laıfaımer bar. Byltyr «Astana» namysyn qorǵaǵan Andreas Kleden «Týr de Frans» kópkúndiginde A. Kontadordyń jeńiske jetýine kómektesip, ózi jalpy esepte 6-shy oryn alǵan bolatyn.
