Velosıpedshiler men samokatshylar nazaryna: Polıtsııa mańyzdy eskertý jasady
ASTANA. KAZINFORM – Jaz mezgilinde velosıped pen elektrsamokat paıdalanýshylar sany sózsiz artady. Osyǵan baılanysty polıtsııa jol qozǵalysyna qatysýshylarǵa qaýipsizdik talaptaryn saqtaýdyń mańyzyn eske salady.
Tártip saqshylary jolǵa shyǵar aldynda qorǵanysh dýlyǵasyn kıip, velosıpedtiń tehnıkalyq jaǵdaıyn tekserýge keńes beredi. Tejegish júıesi, rýl, dóńgelekter men jaryq berý qurylǵylary jaramdy bolýy tıis.
Sondaı-aq velosıpedshiler arnaıy velojolaqtarmen júrip, jol belgileri men baǵdarsham talaptaryn saqtaýy qajet. Jaıaý júrginshiler ótkelinen ótken kezde velosıpedten túsip, joldy jaıaý kesip ótken jón.
Polıtsııa qozǵalys kezinde telefon paıdalanýdan, qulaqqap taǵýdan jáne qaýipti manevrler jasaýdan bas tartýǵa shaqyrady.
Polıtsııa azamattardy jol qozǵalysy mádenıetin saqtap, óz qaýipsizdigi men aınalasyndaǵylardyń qaýipsizdigine jaýapkershilikpen qaraýǵa shaqyrady.
Buǵan deıin polıtsııa jasóspirimderdi «drop» bolýdan saqtanýǵa shaqyrǵanyn jazǵan edik.
