Velosıpedpen álemdi aralap júrgen erli-zaıypty frantsýzdar Aqtaýǵa keldi
Saıahatshy jup 2022 jyly 29 sáýirde Grýzııadan Ázerbaıjanǵa, al 7 mamyrda Bakýge jetip, 25 mamyrda Aqtaýǵa kelgen.
Aqtaýda frantsýz saıahatshylary Nazarbaev zııatkerlik mektebiniń oqýshylary men Sh.Esenov atyndaǵy ýnıversıtetine óz jobalaryn usyndy.
Óz tanystyrylymynda Emılı men Devıd Daýn sındromyn ǵana emes, estý jáne tirek-qımyl apparatynyń buzylýy máselelerin de qozǵap ótti.
Búginde Devı men Emılı Sanchıs - Daýn sındromy bar balalarǵa qoldaý kórsetý maqsatyndaǵy Bike Up&Down velosherý jobasynyń jetekshileri.
Joba Frantsııanyń Trisomie 21 France federatsııasynyń jáne onyń halyqaralyq seriktesi Down Syndrome International qoldaýymen bastalǵan.
- Velosıpedpen saıahattaý barysynda adamdarmen sóılesýge, olarmen tanysýǵa kóbirek múmkindik bar. Bizdi jolda toqtatyp qonaqqa shaqyrǵandar da boldy. Ár eldiń adamdaryn jaqsy túsinip, jaqyn bolǵymyz keledi,- deıdi Emılı.
Otbasylyq jup velosherýdiń arqasynda Daýn sındromy jáne basqa da psıhıkalyq aýytqýy bar adamdardyń sportpen shuǵyldanýyna yqpal etkisi keledi.
- Biz barǵan Frantsııa, Germanııa, Avstrııa, Slovakııa, Vengrııa, Rýmynııa, Moldova, Ýkraına, Túrkııa, Grýzııa, Ázerbaıjan elderinde saıahatshylar zııatkerlik múmkindigi shekteýli adamdarǵa arnalǵan sporttyq is-sharalarǵa qatysty qaýymdastyqtarmen pıknık uıymdastyryp, Daýn sındromy nemese kez kelgen basqa aqyl-oı kemistigi bar adamdar turatyn arnaıy mekemeler men úılerde boldyq. Sonymen qatar, meıramhanalar men qonaq úılerde, áleýmettik fermalar men mektepterde jobamyzdy usyndyq,-deıdi saıahatshy juptar.
Qazaqstannan keıin Emılı men Devı Ózbekstanǵa jáne Ortalyq Azııanyń basqa elderine barýdy josparlap otyr.
