Velosıped urlaǵan Reseı azamaty 12 jyldan keıin Pavlodarda ustaldy
PAVLODAR. QazAqparat - Pavlodar oblysynda 12 jyldan beri izdeýde júrgen reseılik azamat ustaldy, dep habarlaıdy QazAqparat.
«Pavlodarlyq jedel ýákilder 12 jyl boıy memleketaralyq izdeýde júrgen Reseı Federatsııasynyń azamatyn ustady. Ol 2009 jyly Reseı Federatsııasynyń Ivanovo qalasynda velosıped urlaǵan. Oǵan qatysty qylmystyq is qozǵalyp, izdeý jarııalanǵan. 31 jastaǵy azamat 12 jyl boıy polıtsııadan jasyrynyp júrgen. Osy jyldar ishinde ol turǵylyqty jerin únemi ózgertip otyrǵan. Jedel ýákilder izdeý jarııalanǵan er adamdy Pavlodar qalasynyń jaldamaly páterleriniń birinen ustady. Ol ýaqytsha ustaý ızolıatoryna qamaldy. Onyń ustalǵany týraly izdestirý bastamashylaryna habarlandy. Ekstradıtsııalaý máselesi sheshilýde», – dedi Pavlodar oblysy Polıtsııa departamenti krımınaldyq polıtsııa basqarmasynyń bastyǵy Balǵabaı Qaparov.
Polıtsııa departamentiniń qyzmetkerleri halyqaralyq tapsyrmalar aıasynda basqa memleketterdegi áriptesterimen tyǵyz qarym-qatynasta jumys istep jatqanyn atap ótti. Aıta ketý kerek, 2020 jyly izdeýde 217 qylmysker boldy, olardyń 118-iniń júrgen jeri anyqtaldy.
