Velosıped qaǵyp ketken balaǵa ota jasaldy
QARAǴANDY. QazAqparat - Qaraǵandy oblysyndaǵy saıabaqtardyń birinde velosıped qaǵyp ketip, saldarynan bas súıeginiń oń jaq samaı tusyna aýyr jaraqat alǵan úsh jasar balaǵa ota jasaldy, dep habarlaıdy «QazAqparat» HAA tilshisi.
«Oblystyq medıtsına ortalyǵynyń dárigerleri 2014 jyly týǵan balaǵa ota jasady. Osydan keıin baldyrǵan balalar kútimine áldeqaıda jaqsy beıimdelgen oblystyq klınıkalyq balalar aýrýhanasyna jetkizildi», - dep habarlaıdy Qaraǵandy oblysy densaýlyq saqtaý basqarmasynyń baspasóz hatshysy Aıjan Isa.
Velosıped júrgizýshisiniń kinásiniń dárejesin quqyq qorǵaý organdary anyqtap jatyr. Oqıǵaǵa kýá bolǵandar balanyń qaraýsyz qalǵandyǵyn aıtýda, biraq narazylyqty Qaraǵandy oblysynyń bıligine bildirýde.
«Qaraǵandy ákimi halyq aldyndaǵy árbir esebinde velosıpedshilerge arnalǵan jeke jolaqtar salynatyndyǵyn ýáde etedi. Qazir Qaraǵandy kóshelerinde velosıpedshilerdiń beıbereket júrisinen alańsyz qydyrýdan qalyp baramyz», - deıdi qala turǵyny Erjan Saǵıev.
Aıta keteıik, Qaraǵandydaǵy Jeńis saıabaǵynda velosıped júrgizýshisi úsh jastaǵy balany qaǵyp ketti. Bas súıeginiń oń jaq samaı bóligi synǵan bala jansaqtaý bólimine jetkizildi. Oqıǵa kýágerleri velosıped júrgizýshisin ustap, polıtsııa qyzmetkerlerine tapsyrdy.
