Velosherýge zeınetkerler de qatysyp júr - Qyzylorda
QYZYLORDA. QazAqparat-Syrdarııa aýdanynyń ákimi Ǵanıbek Qazantaevtyń bastamasymen aýdanda turaqty túrde velosherý uıymdastyrylyp keledi, dep habarlaıdy QazAqparat tilshisi.
Buǵan deıin velosherýge qatysýshylar kenttiń negizgi kósheleri arqyly aýdan ortalyǵyna jaqyn ornalasqan birqatar aýyldyq okrýgterge deıin velosıpedpen júrip ótken edi. Al, ótken aptada salamatty ómir saltyn ustanýshylar Tereńózek kentiniń kireberis bóliginde ornalasqan saıabaqqa deıin baryp, velosherýge belsendi qatysty. Jalpy, senbi kúnderi uıymdastyrylyp kele jatqan sporttyq sharaǵa 300-ge jýyq aýdan turǵyny qatysýda. Onyń ishinde memlekettik qyzmetkerler de, jeke kásipkerler de, zeınetkerler de, jastar da bar. Bul aýdan halqynyń bekem birligin bildiredi.
