Velosherýge baılanysty erteń Astanada kósheler jabylady
ASTANA. QazAqparat - 22 qyrkúıek kúni Astanada ótetin velosherýge baılanysty qalanyń sol jaǵalaýyndaǵy kósheler ishinara jabylady, dep habarlaıdy QazAqparat.
Elorda ákimdiginiń resmı saıtynda málim etilgendeı, velosherý Ulttyq ǵylymı kardıohırýrgııalyq ortalyǵy» AQ-nyń bastamasymen uıymdastyrylýda.
Saǵat 10:00-den 13:00-ge deıingi aralyqta kelesi kósheler jabyq bolady: Turan dańǵyly boıymen Kereı, Jánibek handar kóshesinen bastap Uly dala kóshesine deıin; odan ary Uly Dala kóshesi boıymen Turan dańǵylynan Máńgilik el kóshesine deıin; Máńgilik el kóshesi boıymen Uly dala kóshesinen bastap Kereı, Jánibek handar kóshesine deıin; ary qaraı Kereı, Jánibek handar kóshesi boıymen Turan dańǵylyna deıin.
Osyǵan baılanysty elordalyq ІІD Ákimshilik polıtsııa basqarmasy qala joldarynda keptelis týdyrmas úshin astana turǵyndary men qonaqtaryna jol júrý baǵyttaryn aldyn ala josparlap alýdy usynady.
Eske sala keteıik, velosherý «Saý júrek aılyǵy 2018» jalpy ataýymen sharalar serııasynyń sheńberinde ótkizilýde. Maqsaty - halyq arasynda júrek aýrýynyń kóbeıýin eskertý. Sharadan túsken barlyq qarjy kardıohırýrgııa salasyndaǵy bilim men ǵylymdy damytýǵa baǵyttalady. Qaıyrymdylyq sharasynyń basty uıymdastyrýshysy «Júrek ortalyǵy» korporatıvtik qory. Qor «Ulttyq ǵylymı kardıohırýrgııalyq ortalyǵy» AQ bastamasymen qurylǵan.
