Vegetatsııalyq kezeń bastalǵaly sýarmaly alqaptarǵa 4,8 mlrd tekshe metr sý alyndy

ASTANA. KAZINFORM – Vegetatsııalyq kezeń bastalǵaly sýarmaly alqaptarǵa 4,8 mlrd tekshe metr sý alyndy. Bul týraly Ortalyq kommýnıkatsııalar qyzmetindegi brıfıngte Sý resýrstary jáne ırrıgatsııa birinshi vıtse-mınıstri Nurlan Aldamjarov málimdedi.

Vıtse-mınıstrdiń atap ótýinshe, bıylǵy vegetatsııalyq kezeń bastalǵaly «Qazsýshar» RMK fılıaldary sýarý qajettilikteri úshin 4,8 mlrd tekshe metr sý aldy. Bul – josparlanǵan kólemniń 55 paıyzy. Mekeme fılıaldary sýarýǵa 8,8 mlrd tekshe metr sý alýdy josparlap otyr. Jalpy respýblıka boıynsha 1,2 mln gektar aýyl sharýashylyǵy alqaptaryn sýarý úshin 12 mlrd tekshe metr sý alynady. Onyń 97 paıyzy ońtústik óńirlerge tıesili.

«Bıylǵy vegetatsııalyq kezeń ortasha kópjyldyq merzimderden 20 kúnge erte bastaldy. Bul kóktem mezgilinde bolǵan anomaldy jyly aýa raıy jaǵdaılarymen túsindiriledi. Atmosferalyq jaýyn-shashynnyń tapshylyǵy baıqalady. Osyǵan baılanysty mınıstrlik sýarmaly sýdyń tapshylyǵy qaýpin azaıtý úshin sharýalardyń sýdy paıdalanýyn retteý jáne júıeleý boıynsha keshendi jumys júrgizip jatyr. Byltyrdan bastap sýarmaly sýdy kelisimshart negizinde berý jumysyn uıymdastyryldy. «Qazsýshar» RMK fılıaldary men fermerler arasynda tikeleı kelisimsharttar jasasý sý berý sharttarynyń ashyqtyǵyn qamtamasyz etip, taraptardyń jaýapkershiligin arttyrýǵa jáne sýdy ruqsatsyz paıdalanýdy azaıtýǵa múmkindik beredi», – dedi Nurlan Aldamjarov.

Aıta keteıik, Oljas Bektenov vegetatsııalyq kezeńde sý táýekelderin basqarý jónindegi óńirlik shtabtar qurýdy tapsyrǵan bolatyn.