Vedomstvolyq nagradalardyń jobalaryn ázirleý qaǵıdalary daıyn boldy

ASTANA. KAZINFORM – Osy jyldyń sońyna qaraı «Vedomstvolyq nagradalardyń aqparattyq júıesi» platformasy pılottyq rejımde paıdalanýǵa beriledi. Bul týraly Mádenıet jáne aqparat mınıstrliginen málim etti.

- Áskerı, arnaýly, quqyq qorǵaý jáne ortalyq atqarýshy organdaryna arnalǵan 159 vedomstvolyq nagrada tirkelgen. Búginde vedomstvolyq nagradalardyń mártebesi, dárejesi, olardy taǵaıyndaý jáne marapattaý tártibi Qazaqstan Respýblıkasy Prezıdentiniń Jarylyǵymen, Úkimet deńgeıindegi birqatar normatıvtik-quqyqtyq qujattarmen aıqyndalǵan, - dep atap ótedi mınıstrlikten agenttik saýalyna oraı.

Búginde mınıstrlik vedomstvolyq jáne olarǵa teńestirilgen ózge de nagradalardyń jobalaryn ázirleý kezinde geraldıkalyq belgilerdi saqtaý, rettik nómirlerin engizý, onyń dızaıny men taǵandaryn tiktórtburysh pishinde bolý jáne taǵy basqa talaptardy engize otyryp, «Vedomstvolyq jáne olarǵa teńestirilgen ózge de nagradalardyń jobalaryn ázirleý qaǵıdalaryn bekitý týraly» Mádenıet jáne aqparat mınıstriniń buıryq jobasy daıyndaǵan. 

- Búginde qaǵıdalar jobasy múddeli memlekettik organdarmen kelisýde. Sondaı-aq, mınıstrlik «Vedomstvolyq nagradalardyń aqparattyq júıesi» platformasyn ázirlep jyl sońyna deıin pılottyq rejımde paıdalanýǵa engizýdi josparlaýda, - dedi vedmostvodan.

Elimizde vedomstvolyq nagradalardyń biryńǵaı standarty jáne tizimi ázirlenetindigin jazǵan edik.

Aıta keteıik, Qazaqstan Respýblıkasy Prezıdentiniń 2011 jylǵy 30 qyrkúıektegi №155 Jarlyǵymen - 87, Qazaqstan Respýblıkasy Úkimetiniń 2011 jylǵy 15 jeltoqsandaǵy №1539 qaýlysymen 72 vedomstvolyq nagrada tirkelgen.