Vedomstvoaralyq komıssııanyń otyrysynda Qostanaı oblysynyń monoqalalaryn damytý máseleleri qaraldy
ASTANA. 12 qańtar. QazAqparat - Aǵymdaǵy aptada vıtse-premer Qyrymbek Kósherbaevtyń tóraǵalyǵymen Óńirlik saıasat máseleleri jónindegi vedomstvoaralyq komıssııanyń otyrysy ótti.
Onda Qostanaı oblysyndaǵy tórt monoqalany damytý máselesi jáne Qostanaı oblysyna jumys sapary barysynda Úkimet basshylyǵy bergen hattamalyq tapsyrmalardyń oryndalý barysy qaraldy, dep habarlady QR Premer-Mınıstriniń resmı saıty.
Jalpy alǵanda, memlekettik organdarǵa, ulttyq kompanııalar men jergilikti atqarýshy organdarǵa 30 shaqty tapsyrma berilgen, olardyń 11 baqylaýǵa alynǵan. Barlyq tapsyrmalardy olarǵa jaýapty memlekettik organdar qarap shyqty jáne qazir jumys istep jatyr.
Ekonomıkalyq damý jáne saýda mınıstrligine ındýstrııa jáne jańa tehnologııalar, kólik jáne kommýnıkatsııalar mınıstrlikterimen, Qurylys jáne turǵyn úı-kommýnaldyq sharýashylyq isteri jónindegi agenttikpen jáne oblys ákimimen birlesip, Keden odaǵynyń áleýetin eskere otyryp jáne Torǵaı boksıt rýda basqarmasynda óndiristi ártaraptardyrý jaǵdaıynda Torǵaı óńirin damytý jónindegi usynystar ázirleý mindettelgen bolatyn.
Vedomstvoaralyq komıssııasynyń otyrysynda bul másele boıynsha ekonomıkalyq damý jáne saýda mınıstri M.Qusaıynov baıandama jasady.
Sondaı-aq Monoqalalardy damytýdyń 2012 -2013 jyldarǵa arnalǵan baǵdarlamasyn iske asyrý aıasynda Arqalyq qalasyndaǵy ıesiz qalǵan jáne apatty jaǵdaıda turǵan ǵımarattardy súrip tastaýǵa 2013-2015 jyldary qosymsha qarjy bólý máselesin qaraý tapsyrylǵan bolatyn.
Bul maqsattarǵa respýblıkalyq bıýdjetten 2013 jylǵa qosymsha 100 mln. teńge bólinip otyr, bólingen qarjynyń jalpy somasy 398,8 mln. teńgeni quraıdy. Qazirgi ýaqytta, oblys ákimdiginiń aqparaty boıynsha, qaladaǵy ońtaılandyrylǵan 9-shy yqshamaýdandaǵy páterlerdi kommýnaldyq menshikke aýdarý týraly sot organdaryna 32 shaǵym aryz joldandy.
Oǵan qosa, Arqalyq qalasynda jańa jylý berý kózin - qatty otynmen jumys isteıtin shaǵyn JES nysanyn salýdyń maqsattylyǵy týraly naqty usynysty Úkimettiń qaraýyna engizý týraly tapsyrma berilgen edi. «Qazaq Santehjoba» JShS ınstıtýty Arqalyq qalasynda shaǵyn JES qurylysyn salýdyń maqsattylyǵyn negizdep, Indýstrııa jáne jańa tehnologııalar mınıstrliginiń qaraýyna sáıkes usynys engizdi.
Sonymen qatar Munaı jáne gaz vıtse-mınıstri B.Tolymbaev Qostanaı oblysyn gazben jabdyqtaýdy jaqsartý, gaz taratý júıesin basqaratyn jalǵyz operator qurý jónindegi qabyldanǵan sharalar týraly habarlady.
Vedomstvoaralyq komıssııa otyrysynyń qorytyndysy boıynsha, Komıssııa músheleri qaraǵan máseleler eskerile otyryp, Qostanaı oblysynyń ákimdigine jáne memlekettik organdarǵa taǵy birqatar tapsyrma berildi.
