Vedomstvoaralyq komıssııa júktelgen mindetti atqara almady - Memleket basshysy
NUR-SULTAN. QazAqparat - Densaýlyq saqtaý mınıstrligi ortalyq jáne jergilikti bılik organdarynyń jumysyn úılestirýdi qamtamasyz ete almady. Bul týraly koronavırýs indetiniń taralýyna qarsy kúres sharalary jónindegi keńes barysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Osy jyldyń 11 mamyrynda shekteý sharalary alynǵan sátten bastap koronavırýs ınfektsııasy jaǵdaılarynyń sany 7 ese artyp ketti. Kóp jaǵdaıda bul birqatar memlekettik organdar jumysyndaǵy kemshilikterge baılanysty. Ortalyq jáne jergilikti deńgeıde memlekettik basqarý júıesiniń tótenshe jaǵdaıdan tys rejımde tıimdi qyzmet etýge daıyn bolmaǵandyǵyn atap ótken oryndy. Vedomstvoaralyq komıssııa ózderine júktelgen mindetterdi atqara almady. Muny moıyndaý kerek. Densaýlyq saqtaý mınıstrligi ortalyq jáne jergilikti bılik organdarynyń jumysyn úılestirýdi qamtamasyz ete almady», - dedi Qasym-Jomart Toqaev.
