Vaıomıng shtatynda qus tumaýynyń alǵashqy jaǵdaıy anyqtaldy

ASTANA. KAZINFORM - Vaıomıng densaýlyq saqtaý departamenti juma kúni adamda H5N1 qus tumaýynyń alǵashqy jaǵdaıyn anyqtaǵanyn málimdedi. Bul týraly «Amerıka daýysy» habarlaıdy.

— Áıel basqa shtatta aýrýhanaǵa jatqyzyldy. Onyń densaýlyǵynda kinárat bar. Naýqas vırýsty úı qusynan juqtyrýy múmkin, - dedi Vaıomıng shtatynyń sanıtarlyq dárigeri Aleksııa Harrıst. 

Ótken jyldyń sáýir aıynan beri AQSh-ta 70-ke jýyq adam qus tumaýyn juqtyrǵan, olardyń biri qaıtys bolǵan. Juqtyrý jaǵdaılarynyń kópshiligi aýrý quspen nemese sıyrmen baılanysta bolǵan ferma qyzmetkerleri arasynda boldy. 

Alaıda AQSh-tyń Aýrýlardy baqylaý jáne aldyn alý ortalyqtary (CDC) halyqqa juqtyrý qaýpi tómen ekenin aıtty.

Kúni buryn AQSh Aýyl sharýashylyǵy mınıstrligi janýarlardyń densaýlyǵyn saqtaý jónindegi Zoetis kompanııasyna qus tumaýyna qarsy vaktsınany qus etinde qoldanýǵa shartty túrde ruqsat berdi. 

Buǵan deıin AQSh-ta qus tumaýynan alǵashqy adam ólimi tirkelgen edi. 

Ǵalymdardyń boljaýynsha, jaqyn arada tumaý vırýsy jańa pandemııa týdyrýy múmkin.