Vaınerler Meıirjan Tórebaev pen Meıirhan Shernııazovtyń soty 21 jeltoqsanda bastalady

ALMATY. QazAqparat - Almatyda Mudarabah Capital qarjy pıramıdasyna qatysty vaınerlerdiń isi boıynsha sot otyrysy qashan ótetini belgili boldy. Bul týraly qalalyq sottyń baspasóz qyzmetinen málim etti, dep habarlaıdy QazAqparat tilshisi.

«Alǵashqy sot otyrysy Almaly aýdanynyń qylmystyq ister jónindegi sotynda 21 jeltoqsan kúni saǵat 15:00-de ótedi»,- delingen vedomstvo taratqan habarlamada.

Aıta keteıik, 12 jeltoqsanda qarjy pıramıdasyn qurdy dep aıyptalǵan tanymal vaınerlerdiń isi sotqa joldanǵan bolatyn.

Qarjy pıramıdasy isi boıynsha A. Oraz pen A. Saıdbaevqa halyqaralyq izdeý jarııalanǵan.

Qadaǵalaý organynyń málimetinshe, qylmystyq istiń negizinde 41 jyljymaıtyn múlikke, 3 avtokólikke, 9 bank shotyna jáne 16 kompanııanyń jarǵylyq kapıtalyndaǵy ártúrli úlesterge tyıym salyndy.

Eske salaıyq, Almaty qalalyq polıtsııa departamentiniń tergeý basqarmasy tanymal vaınerler Meıirjan Tórebaev pen Meıirhan Shernııazovqa QR Qylmystyq kodeksiniń 217-baby 3-bóligi boıynsha aıyp taqty.

Keıinnen Meıirjan Tórebaev pen Meıirhan Shernııazov ustalǵan bolatyn.

Ashyq kózderden alynǵan foto