Vaıner Meıirjan Tórebaevty qamaý merzimi 18 qarashaǵa deıin uzartyldy

ALMATY. QazAqparat - Almatyda Mudaraban Capital qarjy pıramıdasyna qatysty qylmystyq is boıynsha vaıner Meıirjan Tórebaevty qamaý merzimi taǵy bir aıǵa sozyldy, dep habarlaıdy QazAqparat tilshisi.

«Almaty qalasynyń mamandandyrylǵan aýdanaralyq tergeý sotynyń 18 qazandaǵy málimetinshe, sot qaýlysymen tergeý organdarynyń kúdikti T-nyń qylmystyq is materıaldarymen tanysý kezeńinde ony 1 aıǵa, ıaǵnı 18 qarashaǵa deıin qamaýda ustaý merzimin sanktsııalaý týraly ótinishi qanaǵattandyryldy. Qaýly zańdy kúshine engen joq»,- delingen habarlamada.

Eske salsaq, Tanymal vaınerler Meıirjan Tórebaev, Meıirhan Shernııazov qarjy pıramıdasyn qurdy degen kúdikpen osy jyldyń aqpan aıynda ustalǵan bolatyn.

Sondaı-aq, qyrkúıek aıynda vaıner Meıirjan Tórebaevty qamaý merzimi taǵy bir aıǵa uzartyldy.