Vaıner Meıirjan Tórebaev pen Meıirhan Shernııazovty qamaý merzimi taǵy bir aıǵa uzartyldy
«Almaty qalasynyń mamandandyrylǵan aýdanaralyq tergeý sotynyń habarlaýynsha, 18 qarashada sot sheshimimen kúdikti Meıirjan Tórebaevtyń qamaýda ustaý merzimin qylmystyq is materıaldarymen tanysý kezeńinde bir aıǵa, ıaǵnı 18 jeltoqsanǵa deıin sanktsııalaý týraly tergeý organdarynyń ótinishi qanaǵattandyryldy. Sheshim zańdy kúshine engen joq», - dep habarlady Almaty qalalyq sotynyń baspasóz qyzmeti.
Sondaı-aq, sot Shernııazovqa qatysty qaýly shyǵardy. Onyń qamaýǵa alý merzimi de taǵy bir aıǵa uzartyldy.
«Sot sheshimi boıynsha, kúdiktini qylmystyq is materıaldarymen tanysý kezeńinde qamaýda ustaý merzimin bir aıǵa, ıaǵnı 19 jeltoqsanǵa deıin sanktsııalaý týraly tergeý organdarynyń ótinishi qanaǵattandyryldy», - dep atap ótti sot ókilderi.
Eske salaıyq, Meıirjan Tórebaev pen Meıirhan Shernııazov QR Qylmystyq kodeksiniń 217-baby 3-bóligi boıynsha Almaty qalalyq Polıtsııa departamenti Tergeý basqarmasy tergep jatqan qylmystyq is boıynsha kúdikti retinde tanylǵan edi.
Aıta keteıik, atalǵan iske qatysy bar degen kúdikpen tanymal vaınerler Meıirjan Tórebaev pen Meıirhan Shernııazov kúdikti retinde ustalǵan bolatyn.
Ashyq kózderden alynǵan foto