Vavılon geometrııa men astronomııany Ejelgi Grekııadan buryn qoldanǵan
ASTANA. QazAqparat - Gýmboldt atyndaǵy Berlın ýnıversıtetinen Metıý Ossendrııver Vavılon turǵyndary ıÝpıterdiń aspan álemindegi ornyn eýropalyqtardan 1,8 myń jyl buryn anyqtaýdy úırengen degen toqtaamǵa keldi. Tarıhshy zertteý nátıjelerin Science jýrnalynda jarııalaǵan, dep habarlady Lenta.rý.
Ossendrııver bul qorytyndyǵa ejelgi vavılondyq saz taqtalarda saqtalǵan tórt syna jazýyn zertteý arqyly kelgen. Zerttelgen úlgiler bizdiń jyl sanaýymyzǵa deıingi 350-50-shi jyldarda jasalǵan jáne geometrııany aspan deneleriniń ornyn anyqtaýǵa paıdalanýdyń ǵylymǵa belgili eń ejelgi úlgisi.
Taqtalarda ıÝpıterdiń aspan álemindegi orny trapetsııany qoldanylyp eseptep shyǵarylǵany kórsetilgen. Budan buryn ǵalymdar vavılondyqtar aspan deneleriniń ornyn anyqtaýǵa arıfmetkıany qoldanǵan degen pikirde bolǵan edi.Zertteýler vavılondyqtardyń astronomııany ejelgi grekterden birneshe ǵasyr buryn qoldanǵanyn kórsetedi.
Vavılon týraly alǵashqy málimetter bizdiń jyl sanaýymyzdaǵy ІІІ myńjyldyqqa jatady. Bul qonys shýmerdiń provıntsııalyq qalalarynyń biri bolǵan. Ejelgi megapolıs gúldengen kezinde halqynyń sany 150 myńǵa jetken. Qala bizdiń dáýirimizge deıingi XVI ǵasyrda ony hettalar basyp alǵannan keıin quldyrap, bizdiń dáýirimizdiń І myńjyldyǵynda qıraǵan.
Foto: Robert Harding / Globallookpress.com
