Vatıkandyq pontıfıkter elektrondy túrde bata berýge kóshpek
ASTANA. QazAqparat - Vatıkandyq sheneýnikter qymbatqa túsetin pergament qaǵazyn shyǵarýmen baılanysty shyǵyndardy azaıtpaq.
2015 jyldyń 1 qańtarynan bastap Vatıkandaǵy barlyq qujattar endi qoldan jasalatyn úırenshikti pergament qaǵazdyń betine basylmaıtyn boldy.
Endi pontıfıktiń adamdardyń nekelesýi nemese shoqyndyrylýi qurmetine bergen batalary qolmen jazylmaı, ıelerine kompıýterde terilip tabystalady.
Osylaısha, vatıkandyq sheneýnikter qymbatqa túsetin pergamentti daıyndaýǵa jumsalatyn shyǵyndardy qysqartyp, túsetin tabysty arttyrmaq. Alaıda bul jańashyldyqtyń keri áseri de bar. Keıbir málimetter boıynsha, onyń saldarynan pergament qaǵazyn ázirleýmen aınalysatyn 500-den astam sheber jumyssyz qalmaq, dep jazady sheteldik BAQ.
