Vatıkandaǵy tarıhı kontsert: álemdik juldyzdar jáne dron shoýy
ASTANA. KAZINFORM – Vatıkandaǵy Áýlıe Petr alańynda alǵash ret estradalyq kontsert ótip, Eýropadaǵy eń úlken dron shoýy uıymdastyryldy, dep habarlaıdy National Geographic.
Grace for the World kontsertinde ıtalıandyq tenor Andrea Bochellı, amerıkalyq ánshi Farrell Ýılıams jáne basqa da tanymal ártister óner kórsetti.
Kontsert 2025 jylǵy «Adamzat baýyrlastyǵy 2025» Dúnıejúzilik kezdesýin aıaqtady.
Іs-sharada budan basqa birneshe myń dron áýede úsh ólshemdi júrekti, beıbitshilik kógershinderi beınesin jasap jáne marqum Rım Papasy Frantsısktiń portretin jańǵyrtty.
The most extraordinary drone display over the Vatican - including an image of Pope Francis for which the crowd went wild pic.twitter.com/x9kgF5kpXp
— James Longman (@JamesAALongman) September 13, 2025
Árqaısysynyń salmaǵy nebári 350 gramm bolatyn drondar 16 mln tústi jańǵyrta alady. Bul – Ilon Masktyń inisi, bas dırektor Kımbal Masktyń týyndysy. Ol 2024 jyldyń basynda, Rım Papasy Frantsısktiń tiri kezinde jaryq shoý jasaý ıdeıasymen Vatıkanǵa alǵash ret kelgen edi. Kımbal Masktyń komandasy jobany úılestirýge, ruqsattardy alýǵa jáne baǵdarlamany ázirleýge 18 aı jumsady.
Alańda shoýdy qorǵanys mınıstri Gıdo Krozetto men Rım meri Roberto Gýaltıerı tamashalady. Іs-sharaǵa barlyǵy 80 myńnan astam adam qatysty.
Osyǵan deıin Qytaıda uıymdastyrylǵan alyp dron shoýy Gınnestiń rekordtar kitabyna engeni týraly jazdyq.