Vatıkanda jańa Rım Papasyn saılaý bastaldy

Konklavqa qatysqan 133 kardınal Sıkstın kapellasyna deıin cap túzep júrip ótip, onda jańa pontıfıkti saılaý barysynda ne bolatynyn qupııa saqtaýǵa ant berdi, dep habarlaıdy VVS. 

Osydan keıin bóten adamdar Sıkstın kapellasynan shyǵarylyp, esikter jabyldy — «extra omnes» («bári shyqsyn») degen sóz aıtylǵan sát konklavtyń resmı bastalǵanyn bildirdi.

Endi kardınaldarǵa syrtqy álemmen kez kelgen baılanys jasaýǵa tyıym salyndy. Aldaǵy ýaqytta birinshi daýys berý kezeńi ótedi, sodan keıin Sıkstın kapellasyndaǵy murjadan tútin kóteriledi (daýys berý bıýlletenderi peshte órteledi).

Aq tútin — jańa Papa saılanǵanyn, al qara tútin — saılaý jalǵasyp jatqanyn bildiredi.

2005 jáne 2013 jyldardaǵy eki aldyńǵy konklav eki kúnge sozylǵan bolatyn. Katolık shirkeýiniń jańa basshysy qalaı saılanady jáne bul saılaýdyń mańyzy qandaı ekeni týraly myna materıaldan oqı alasyz.