Vatıkanda tarıhı qonaqúı ǵımaraty otelge aınalady

ASTANA. KAZINFORM – Papa Frantsısk bul sheshimge qarsy bolǵanymen, Vatıkan XV ǵasyrda salynǵan tarıhı ǵımaratty jeke basqarýshy kompanııaǵa jalǵa berip, ony qonaqúıge aınaldyrý týraly sheshim qabyldady, dep habarlaıdy BILD. 

Atalǵan úı Rım papasy Pavel VI pontıfıkaty kezinde, 1970 jyldardyń basynda, saparmen kelgen epıskoptar, din qyzmetkerleri men kardınaldar úshin arzan baspana retinde paıdalanylǵan.

Alaıda bul kezeń aıaqtaldy: ıtalııalyq Il Messaggero gazetiniń habarlaýynsha, ǵımaratta endi tórt juldyzdy otel ashý josparlanyp otyr.

Shveıtsarııalyq Blick gazetiniń málimetinshe, Vatıkan bul sheshimdi eń aldymen ekonomıkalyq sebepterge baılanysty qabyldaǵan. Tozyǵy jetken ǵımaratty qalpyna keltirý shamamen 60 mıllıon eýro talap etedi, al Vatıkan bul shyǵyndy kótergisi kelmegen. Birqatar kardınal jańa papa Lev XIV-ke ótinish bildirgenimen, ol óz ustanymynan taımaǵan.

Al marqum papa Frantsısk, kerisinshe, monastyrlyq ordenderdi óz jyljymaıtyn múlkin áleýmettik turǵyn úıge aınaldyrmaı, odan qonaqúı men pansıon jasap paıda tabatyny úshin birneshe ret synǵa alǵan.

Atalǵan palatstso Navona alańynan birneshe qadam jerde ornalasqan. Bul ǵımarat 2013 jyly papa Frantsısktiń sonda turyp, qonaqúıdegi shyǵynyn jeke ózi tólegenimen de tanymal.