Vatıkanda pedofıl retinde aıyptalýshy din qyzmetkeri aýrýhanaǵa jetkizildi
ASTANA. QazAqparat - Kámelettik jasqa tolmaǵandarǵa seksýaldyq sıpatta zorlyq kórsetkeni úshin aıyptalǵan burynǵy polshalyq arhıepıskop Vatıkanda soty bastalardyń aldynda birneshe saǵat buryn aýrýhanaǵa jetkizildi.
Vatıkannyń aqparatyna súıensek, 66 jastaǵy Iozef Vesolovskı qarqyndy terapııa palatasyna jatqyzyldy. Sýdıa sot úrdisin kelesi kúnge qaldyrdy.
Vesolovskı Domınıkan respýblıkasynda 2008-2013 jyldarda balalarǵa seksýaldyq sıpatta zorlyq kórsetkeni úshin aıyptalýda. Qazir ol Vatıkanda úı qamaǵynda.
Burynǵy din qyzmetshisi balalar pornografııasyn saqtaǵany úshin de aıyptalýda. Budan buryn osy jyly ol dinı ataǵynan aıyrylǵan, dep jazady sheteldik BAQ.
