Vatıkanda Qasıetti taq pen Qazaqstan arasyndaǵy yntymaqtastyqty damytý jaıynda kelissóz júrgizildi

VATIKAN. QazAqparat – Qazaqstan Elshisi Álibek Baqaev Jańa jyl merekesine oraı Rım Papasy Frantsısk atynan resmı qabyldaýǵa qatysty. Pandemııaǵa qaramastan, Qasıetti taq dástúrdi ózgertpeı, atalǵan is-sharany Vatıkannyń Apostol saraıynda ótkizdi, dep habarlaıdy QR SІM baspasóz qyzmeti.

Dıplomatııalyq korpýs aldynda óziniń sózinde Rım Papasy Frantsısk basqa elderge apostoldyq saparlaryn qaıta bastaǵysy keletinin atap ótti. Ol «mundaı saparlar pikir almasý jáne dıalog rýhynda ártúrli dinder arasynda jaqsy qarym-qatynas ornatýǵa múmkindik bergenine jáne qazirgi ýaqytta dinder arasyndaǵy dıalog halyqtar men mádenıetterdi jaqyndastyrýdyń mańyzdy quraly bolyp tabylatyndyǵyna» erekshe kóńil aýdardy.

Elshimen suhbat barysynda Rım Papasy Frantsısk Qazaqstan basshylyǵyna – Tuńǵysh Prezıdenti-Elbasy Nursultan Nazarbaevqa jáne Memleket basshysy Qasym-Jomart Toqaevqa jyly lebizderin jetkizýdi surady. Suhbattasýshyna alǵysyn bildire otyryp, Elshi onyń Nur-Sultanda ótetin Álemdik jáne dástúrli dinder lıderleriniń Sezine qatysatyndyǵyna úmit bildirdi.

Vatıkanǵa sapary barysynda Á.Bakaev Qasıetti taq Hatshysynyń basqa memlekettermen baılanys jónindegi orynbasary (Syrtqy ister mınıstriniń orynbasary) Monsınor Mıroslav Vahovskımen kólissózder júrgizdi. Kezdesý barysynda ol Elimizde bolyp jatqan saıası reformalar jáne Qazaqstan Respýblıkasy Parlamenti Májilisine saılaý nátıjeleri týraly habardar etti.

Kelissózderdiń negizgi kún tártibi – ekijaqty yntymaqtastyqtyń ózekti máselelerin talqylaýy boldy, atap aıtqanda, Qazaqstan Respýblıkasy Parlamenti Senatynyń Tóraǵasy – Álemdik jáne dástúrli dinder lıderleri sezi hatshylyǵynyń basshysy Máýlen Áshimbaevtyń Vatıkanǵa aldaǵy sapary, Vatıkannyń atalǵan Sezge qatysýy, Vatıkan bankiniń AIFC qarjy alańyn damyýna qatysty perspektıvalar jáne Qasıetti taq pen Qazaqstan arasyndaǵy mádenı-gýmanıtarlyq baılanystardy keńeıtýy.

Monsınor M. Vahovskı óz tarapynan eki memleket yntymaqtastyǵynyń nyǵaıýyn oryndalýyn qamtamasyz etý úshin birlesken jumysty jalǵastyrýdyń mańyzdylyǵyn atap ótti.

Qazaqstan men Vatıkan arasyndaǵy ekijaqty qatynastar 1992 jyly 17 qazanda ornatyldy. 1998 jáne 2009 jyldary Qazaqstannyń Tuńǵysh Prezıdenti – Elbasy Nursultan Nazarbaevtyń Vatıkanǵa resmı saparlary ótti, al 2001 jyly Elbasynyń shaqyrýymen Rım Papasy Ioann Pavel II Qazaqstanǵa alǵash ret memlekettik pastorlyq saparmen keldi.