Vatıkanda alǵash ret áıel gýbernator bolyp saılandy
ASTANA. KAZINFORM - Rım Papasy Frantsısk ıtalııalyq tok-shoýda Vatıkan úkimetiniń basshysy laýazymyna monah Raffaela Petrını taǵaıyndalǵanyn málimdedi, dep habarlaıdy DW.
Rım Papasy Frantsısk naýryz aıynda monah Raffaella Petrınıdi Vatıkannyń gýbernatory etip taǵaıyndaýdy josparlap otyrǵanyn málimdedi.
Qala-memleket qurylǵannan bergi sońǵy 96 jyl ishinde bul qyzmetti tek er adamdar atqaryp keldi. Gýbernator - Rım Papasynyń atynan bılik júrgizetin is júzinde úkimet basshysy. 2021 jyldan bastap Petrını Vatıkan gýbernatorlyǵynyń bas hatshysy qyzmetin atqardy. Ol úkimet basshysy retinde arhıepıskop Fernando Verges Alzaganyń ornyn almastyrady. Ol 2025 jyldyń 1 naýryzynda 80 jasqa tolady.
Buǵan deıin Vatıkan 88 jastaǵy Rım Papasy Frantsısktiń densaýlyǵy týraly málimdeme jasaǵan bolatyn.