Vatıkan jańa Rım Papasyn saılady

ASTANA. KAZINFORM – Beısenbiniń keshinde Vatıkanda Sıkstın kapellasyndaǵy konklavqa jınalǵan qaýym Rım-katolık shirkeýiniń basshysyn tańdady. Bul daýys berýdiń tórtinshi raýndynda múmkin boldy, dep habarlaıdy BBC.

Jergilikti ýaqyt boıynsha, saǵat 18:00-de kapellanyń murjasynan aq tútin shyǵa bastady. Ol kardınaldardyń jańa pontıfıkti tańdaǵanyn bildiredi. Ázirge onyń aty-jóni belgisiz.

Sonymen birge Sıkstın kapellasynyń qońyraýlary oınaı bastady.

Sıkstın kapellasynan shyqqan tútinniń qońyraýlardyń syńǵyrymen súıemeldenýi jańa Rım Papasynyń saılanǵanyn bildiredi.

Jańa pontıfık saılanǵannan keıin Áýlıe Petr alańyna aparatyn balkonǵa shyǵýy kerek edi.

Osyǵan deıin Sıkstın kapellasynyń murjasynan qara tútin eki ret shyqty: sársenbi kúni keshkisin jáne beısenbi kúni tań ata. Bul ýaqyttarda daýys berý sharasy ótken edi.

Rım Papasyn saılaý úshin qatysýshylardyń úshten ekisi daýys berýi kerek, qazirgi jaǵdaıda ol 89 adam. Konklavqa búkil álem boıynsha barlyǵy 133 kardınal qatysady.

Osyǵan deıin ekinshi jáne úshinshi ret daýys berý kezinde de Rım papasy kim bolatyny anyqtalmaǵany týraly jazdyq.