00:48, 09 Naýryz 2025 | GMT +5
Vatıkan Rım Papasynyń jaǵdaıy jaqsarǵanyn habarlady
ASTANA. KAZINFORM – 14 aqpannan beri pnevmonııadan aýrýhanada emdelip jatqan Rım Papasy Frantsısktiń jaǵdaıy jaqsaryp keledi. Bul týraly Qasıetti Taqtyń baspasóz qyzmeti taratqan habarlamada aıtylǵan, dep jazady Report.

– Rım Papasynyń jaǵdaıy turaqty, bul em-domnyń oń nátıje berip jatqanyn kórsetedi. Azdap jaqsardy deýge bolady. Degenmen dárigerler aldyn ala bir boljam aıtýǵa áli erte ekenin aıtty, - delingen habarlamada.
Sondaı-aq Vatıkan jeksenbide dástúrli ýaǵyz oqylmaıtynyn habarlaǵan. Onyń mátinin keıingi ótken úsh aptadaǵydaı, Qasıetti Taqtyń baspasóz qyzmeti taratady.
Aıta keteıik, buǵan deıin Rım Papasy Frantsısktiń jaǵdaıy aýyr ekenin jazǵan edik.
Naqtyraq aıtqanda, Rım Papasy Frantsısk bronh qabynýyn bastan ótkerdi.