Vatıkan Palestınanyń memlekettigin resmı túrde moıyndady
ASTANA. QazAqparat - Vatıkan Palestınany resmı túrde memleket retinde moıyndap, onymen dıplomatııalyq qarym-qatynas ornatatyn boldy. Izraıl bul sheshimge sener emes, dep jazady Bı-Bı-Sı.
Vatıkannyń is-qımyly týraly kelisim mátininde azdaǵan ózgeris engizildi. Buǵan deıin aıtylǵandaı, Vatıkan «Palestınany azat etý» uıymy ókilderimen emes, «Palestına memleketi» delegatsııasymen kelisim jasasty. Kelisimshartqa qol qoıǵannan keıin Vatıkan resmı túrde Palestınamen dıplomatııalyq qatynas ornatady. «Iá, bul - Palestınany memleket retinde resmı túrde moıyndaý», - dedi Vatıkan baspasóz qyzmetiniń jetekshisi Federıko Lombardı. Izraıl Syrtqy ister mınıstrligi mundaı sheshimdi Vatıkannan kútpegenin jetkizdi.
