Vatıkan kelissózderge Zelenskıı men Pýtındi shaqyrdy
ASTANA. KAZINFORM — Ýkraına Syrtqy ister mınıstri Andreı Sıbıga Brıýsselde ótken kezdesýde Kıev Vladımır Zelenskıı men Vladımır Pýtınniń tikeleı baılanysyna múddeli ekenin rastady, dep habarlaıdy Euronews.
— Memleket basshylary deńgeıinde múmkin bolatyn baılanystardy uıymdastyrý týraly usynystar Vatıkan tarapynan jasalǵanyn rastaı alamyn, — dedi Sıbıga Euronews-ke bergen suhbatynda.
Ol Ýkraına mundaı kezdesýdi ótkizýge yqtımal oryndardy qarastyrýǵa daıyn ekenin jetkizdi.
Ýkraınalyq dıplomatııa basshysynyń aıtýynsha, prezıdent Zelenskıı Donald Tramppen kezdesýdi de qarastyryp jatyr. Buǵan deıin AQSh-tyń prezıdenti bir kúnde Zelenskıımen de, Pýtınmen de telefon arqyly sóılesken bolatyn. Reseı basshysymen eki saǵatqa sozylǵan áńgimeden keıin Tramp áleýmettik jelidegi paraqshasynda Máskeý men Kıev jedel túrde kelissózderge kirisetinin málimdep, kezdesýdi uıymdastyrýǵa Vatıkan men Rım papasy múddeli ekenin jazdy.
Ol: «Protsess bastalsyn!» — dep túıindedi.
Ótken demalys kúnderi Vatıkanda jańa pontıfıktiń taqqa otyrý rásimi ótti. Messa kezinde jańa Papa Ýkraına men Reseı arasyndaǵy qaqtyǵysqa alańdaýshylyq bildirdi.
Jańa Rım papasy týraly Kazinform materıalynan oqı alasyz.