Vatıkan Kardınaly konfessııaaralyq kelisim saıabaǵynda aǵash otyrǵyzdy
ASTANA. QazAqparat - Beıbitshilik jáne kelisim saraıynyń saıabaǵynda taǵy bir tulǵanyń esimimen aǵash otyrǵyzyldy. Aǵashty adamnyń jan-jaqty damýyna yqpal etý boıynsha prefekt Dıkasterıı, kardınal Pıter Kodvo Appıah Tarkson otyrǵyzdy, dep habarlady búgin Astana ákimdiginiń baspasóz qyzmeti.
Jasyl kóshetterdi otyrǵyzý boıynsha sharany Astana qalasy ákimdiginiń din isteri basqarmasy uıymdastyryp otyr. Aǵashty otyrǵyzý usynysyn qasıetti Prestoldyń bastamasymen ótken «Barlyǵymyz birge ortaq úıimizge qamqor bolaıyq» dinaralyq konferentsııa barysynda elordalyq din konfessııasynyń ókilderi jasaǵan bolatyn.
«Aǵash ómirdiń sımvoly. Aǵash ósetin jerde árdaıym tirshilik bar, ómir súrýge úmit bar. Bul aǵashty Qazaqstan Respýblıkasyna kelýimizge oraı otyrǵyzdyq. Onymen birge osy qadam arqyly dostyq qarym-qatynasty odan saıyn nyǵaıtqymyz keletinin kórsetkimiz keldi»,- dedi adamnyń jan-jaqty damýyna yqpal etý boıynsha prefekt Dıkasterıı, kardınal Pıter Kodvo Appıah Tarkson.
Esterińizge salaıyq, 1 qyrkúıekte Beıbitshilik jáne kelisim saraıynda «Barlyǵymyz birge ortaq úıimizge qamqor bolaıyq» dinaralyq konferentsııa ótken bolatyn.
Oǵan halyqaralyq EKSPO-2017 kórmesiniń jeke pavılonyn usynǵan qasıetti Prestol, adamnyń jan-jaqty damýyna yqpal etý boıynsha prefekt Dıkasterıı, kardınal Pıter Kodvo Appıah Tarkson bastamashy boldy.
Konferentsııaǵa halyqaralyq jáne jergilikti din konfessııalarynyń ókilderi qatysty. Basqosýdy Astana qalasynyń Din isteri jónindegi basqarmasy, Qazaqstandaǵy dinaralyq dıalog boıynsha Papa keńesi jáne Apostoldyq nýntsıatýralar, sonbaı-aq «Renovabis» nemis katolıktik qaıyrymdylyq uıymy qoldady.
Jıyn barysynda «ortaq úıimizdi» qorǵaý jáne «jasyl» energııany damytýǵa álem dinderiniń úles qosýy máseleleri talqylandy. Osyǵan oraı din kóshbasshylary eń kúrdeli máselelerdi sheshý úshin kópvektorly basqarýdy qurý boıynsha halyqaralyq jáne aımaqtyq kúsh-jigerdiń mańyzdylyǵyn atap ótti.
Búginde Vatıkan Apostoldyq nýntsıatýra atynan elde beıbitshilik pen ulystar arasynda kelisim ornatýda Qazaqstannyń mańyzdy seriktesi bolyp tabylady. Bıyl Qazaqstan men Vatıkan arasynda dıplomatııalyq qatynastyń ornaǵanyna 25 jyl tolady.
Astana qalasynyń ákimdigi din isteri basqarmasynyń ókilderi bul shara eki el arasyndaǵy qarym-qatynas tarıhyn nyǵaıtýǵa aıtarlyqtaı úles qosady degenge senedi.
