Vatıkan Kardınaly din kóshbasshylaryna birlikti nyǵaıtýǵa shaqyrdy
ASTANA. QazAqparat - Vatıkan Kardınaly rýhanııat kóshbasshylaryn ərtúrli ulystardyń qarym-qatynasyn nyǵaıtýǵa shaqyrdy, dep habarlaıdy astana.gov.kz .
Búgin Astanada Beıbitshilik jáne kelisim saraıynda «Barlyǵymyz birge ortaq úıimizge qamqor bolaıyq» dinaralyq konferentsııa ótti. Onyń bastamashysy - halyqaralyq EKSPO-2017 kórmesiniń jeke pavılonyn usynǵan qasıetti Prestol, adamnyń jan-jaqty damýyna yqpal etý boıynsha prefekt Dıkasterıı, kardınal Pıter Kodvo Appıah Tarkson. Konferentsııaǵa halyqaralyq jáne jergilikti din konfessııalarynyń ókilderi qatysty. Basqosýdy Astana qalasynyń Din isteri jónindegi basqarmasy Qazaqstandaǵy dinaralyq dıalog boıynsha Papskıı keńesi jáne Apostoldyq nýntsıatýralar, sonymen qatar «Renovabis» nemis katolıktik qaıyrymdylyq uıymy.
Kúntártibinde «ortaq úıimizdi» qorǵaý jáne «jasyl» energııany damytýǵa álem dinderiniń úles qosýy máseleleri talqylandy. Osyǵan baılanysty din kóshbasshylary bizdiń ortaq úıimizge qatysty eń kúrdeli máselelerdi sheshý úshin kópvektorly basqarý qurý boıynsha halyqaralyq jáne aımaqtyq atsalysýdyń mańyzdylyǵyn atap ótti.
QR Din isteri jáne azamattyq qoǵam boıynsha mınıstri qatysýshylardy qarsy alyp, alǵash bolyp sóz sóıledi. Óz sózinde ol eki el basshylarynyń - Nursultan Nazarbaev pen Rım Papasy Frantsıskonyń arasyndaǵy ornaǵan jaqyn ári senimdi qarym-qatynastyń mańyzdylyǵyn atap ótti.
«Búginde Vatıkan Apostoldyq nýntsıatýra atynan elde beıbitshilik pen ulystar arasynda kelisim ornatýda Qazaqstannyń mańyzdy seriktesi bolyp tabylady. Bizdiń halqymyzdyń mádenıet pen rýhanı ómiriniń damýynda óz róli bar. Bıyl biz Qazaqstan men Vatıkan arasynda dıplomatııalyq qatynastyń 25 jyl ornaǵanyn atap ótemiz. Biz bul mańyzdy halyqaralyq forýmda din ókilderiniń tájirıbeni jalǵastyra otyryp, belsendi qatysatyndaryna, joǵary dárejede ótetinine senim bildiremiz», - dedi mınıstr N.Ermekbaev.
Óz kezeginde kardınal Pıter Kodvo Appıah Tarkson forýmnyń ótýine qoldaý tanytqany úshin alǵysyn bildirip, barlyq adamdar januıasy qyzmetinde qajetti «Bolashaqtyń energııasy» júıesiniń mańyzdylyǵyn tilge tıek etti.
Forým sońynda qatysýshylar sharany ótkizý Qazaqstan men qatysqan ulystar ókilderi arasyndaǵy qarym-qatynas tarıhyn nyǵaıtýǵa aıtarlyqtaı úles qosady degen pikir bildirdi.
