Vasılıı Jırov qaıtadan bapkerlik qyzmetke kiristi
ASTANA. QazAqparat - Sports.kz aqparatyna sáıkes, 1996 jylǵy Atlanta Olımpıadasynyń chempıony, áýesqoılar arasynda Vel Barker Kýbogynyń jeńimpazy, kásipqoı boksta IBF nusqasynyń burynǵy álem chempıony, qazaq boks mektebiniń ókili Vasılıı Jırov qaıtadan bapkerlik qyzmetke kiristi, dep habarlaıdy Sports.kz">Sports.kz .
Ol AQSh-tyń Arızona shtatyndaǵy Skottsdeıl qalasynda ornalasqan Scottsdale Boxing Gym sport zalynda jattyqtyrady.
Áleýmettik jelide bapkerlik qyzmetin nelikten Qazaqstanda júrgizbeı jatqany jaıly suraqqa Vasılıı Jırov: «Men qaıda kerek bolsam, sonda jumys isteımin», - dep jaýap berdi.
Eske sala ketsek, 2017 jyly boksshy Qazaqstanǵa kelip, Balqash pen Qaraǵandyny aralap kórgen. Biraq onyń Qazaqstanda jumys isteý josparyna jergilikti sport sheneýnikterinen jaýap bolmaǵan edi.
Foto kfb.kz
