Vasılıı Jırov: Qanat Islamdy qoldadym, sebebi ol - meniń jerlesim
ASTANA. QazAqparat - Burynǵy belgili kásibı boksshy, IBF nusqasy boıynsha birinshi aýyr salmaqtaǵy álem chempıony, olımpıada chempıony jáne álem chempıonattarynyń qola júldegeri Vasılıı Jırov otandasy Qanat Islamdy nelikten qoldaǵanyn aıtty, dep jazdy Vesti.kz.
- Siz bokstan ketkenińizge qaramastan, BAQ-ta Qanat Islamdy Hýan De Anhelmen kezdesýinde qoldaýdy usyndyńyz. Buǵan ne sebep boldy?
- Óıtkeni ol - meniń jerlesim, - dedi boksshy.
- Jekpe-jegin kórdińiz be?
- Ýaqyt bolmady jáne teledıdardy da kórmeımin.
- Qanatpen sóılestińiz be?
- Ázirge joq... Bolashaqta oraıy týar.
- Qandaı joba-josparlaryńyz bar?
- Jaýap aıtpaı-aq qoıaıyn.
- Qazaqstanmen baılanysy bar ma?
- Iá.
Eske sala keteıik, ótken demalys kúnderi qazaqstandyq boksshy Qanat Islam kolýmbııalyq Hýan De Anheldi nokaýtqa jiberip, kásibı rıngte 21-shi ret jeńiske jetken bolatyn.
