Vasılıı Jırov bokstan Qazaqstan quramasyn basqarýǵa daıyn ekenin aıtty
ASTANA. KAZINFORM – Otandyq sport tarıhynda Olımpıada oıyndarynyń alǵashqy jeńimpazy jáne bokstan kásipqoılar arasynda álem chempıony jáne Balqash jolbarysy atanǵan Vasılıı Jırov Kazinform agenttiginiń tilshisine bergen suhbatynda jattyqtyrýshy retinde týǵan eline áli de kóp paıda ákeletinine senim bildirdi.
«Óz mansabymda Qazaqstanymdy maqtan tutamyn. Aleksandr Apachınskıı, Abdýsalam Nurmahanov, Felıks Tsoı, ıAroslav Fetısov, Stanıslav Boldyrev jáne basqa da kóptegen tanymal jattyqtyrýshylarmen jumys istegenmin, mol tájirıbe bar. Olar – óz isiniń sheberi. Jeke jattyqtyrýshym Aleksandr Ivanovıch Apachınskıımen birlesip, boksta joǵary kórsetkishterge qol jetkizdim. Meniń amerıkalyq mamandarmen de tájirıbem bar. Sońǵy birneshe jylda elge oralýdy jıi oılap júrmin, týǵan jerdi saǵyndym. Eger Otanymnan usynys tússe, árıne, men ony qýana qabyldaımyn», - dedi Vasılıı Jırov.
Sondaı-aq, 1996 jylǵy Olımpıada chempıony bıyl Parıjdegi Olımpıadada qazaqstandyq boksshylardyń altyn alýǵa tolyq múmkindigi baryn aıtty.
«Ótken Olımpıadada bizde altyn medal bolmaǵanyna qaramastan, qazaqstandyq boksty eshqashan esepten shyǵarýdyń qajeti joq. Elimizdiń bas komandasyna lıtsenzııalyq týrnırlerge oıdaǵydaı daıyndalyp, Parıjge múmkindiginshe kóp joldama utyp alýdy tileımin. Árbir qazaqstandyq sııaqty men de Frantsııa astanasynda elimizdiń Ánurany shyrqalǵanyn qalaımyn», - dep atap ótti Balqash jolbarysy.
