Vasılıı Levıt Serbııa týrnırinde «altynnan» qaǵyldy

NUR-SULTAN. QazAqparat – Qazaqstandyq boksshy Vasılıı Levıt Belgradtaǵy (Serbııa) «Belgrade Winner» halyqaralyq týrnırinde fınaldyq jekpe-jegin ótkizdi, dep habarlaıdy QazAqparat Sports.kz saıtyna silteme jasap.

Aqtyq synda 91 kelige deıingi salmaqtaǵy Levıt reseılik Tımýr Gamzatovpen aıqasyp, opponentinen jeńilip qaldy.

Osylaısha, qazaqstandyq aýyr salmaq sportshysy týrnırdiń kúmis medalin qanaǵat tutty.

Aıta keteıik, fınalǵa deıin ol Mohamed Barrıdi (Serra-Leone) jáne Vagkan Nantızanıandi (Gretsııa) jeńgen bolatyn.

V.Levıttiń boks mansabyndaǵy jetistikterine keler bolsaq, ol Olımpıadanyń kúmis júldegeri, álem chempıonatynyń eki dúrkin qola medal ıegeri jáne úsh márte Azııa chempıony boldy.