Vasılıı Levıt Olımpıada joldamasyn utyp aldy
ASTANA. QazAqparat - Qazaqstandyq boksshy Vasılıı Levıt 2016 jyly Rıo-de-Janeıroda ótetin Olımpıada joldamasyn utyp aldy. Bul týraly «Astana Arlandarynyń» VKontakte jelisindegi resmı paraqshasynda habarlanyp otyr.
«Tehnıkalyq nokaýtpen jeńiske jetken Vasılıı Levıt maýsym qorytyndysy boıynsha WSB reıtınginde birinshi oryndy ıelendi jáne Rıodaǵy Olımpıada oıyndaryna joldama jeńip aldy», - delingen habarlamada.
Eske sala keteıik, bunyń aldynda habarlaǵanymyzdaı, búgin «Astana Arlandary» sapynda 91 keliden joǵary salmaqta óner kórsetetin V.Levıt «Argentına Kondorlary» klýbynyń boksshysy Dıego Blankany tehnıkalyq nokaýtpen jeńgen bolatyn.
