Vasılıı Levıt naýqas balanyń armanyn oryndady

ASTANA. QazAqparat - Rıo-2016 Olımpıadasynyń bokstan kúmis júldegeri Vasılıı Levıt Astanada naýqas balanyń armanyn oryndady, dep habarlady Instagram club_dobryakov_astany tobyna silteme jasap, «QazAqparat» HAA tilshisi.

Chempıon Astanada onkologııadan emdelip jatqan jas jankúıerine bardy. Onyń balalyq armanyn oryndady: 10 jastaǵy Álınábı aýyrǵanǵa deıin sportpen aınalysqan. Onyń bir armany Vasılıı Levıtti shynaıy ómirde  kórý bolatyn.  «@indi070 meıirimdiler klýbynyń eriktisi @vassiliy_levit-ke balanyń ótinishin jetkizdi. Búgin ol Álınábıge kirip shyqty», - delingen habarlamada.

Kezdesý barysynda Levıt balaǵa qoltańbasymen boks qolǵabyn syıǵa tartty, Jańa jylda oǵan   taǵy da syılyq syılaýǵa ýáde berdi. «Álınábı qatty qýandy. Bul shynymen de keremet boldy», - dedi klýb eriktileri.