Vasılıı Levıt QR Prezıdenti Kýbogynyń týrnırine qatysady
ASTANA. QazAqparat - Astanada bokstan QR Prezıdenti Kýbogynyń halyqaralyq týrnıri ótedi, dep habarlaıdy «QazAqparat» HAA tilshisi.
Týrnırge erler de, áıelder de qatysady. Qazaqstannyń erler quramasyn Abylaıhan Júsipov, Sáken Bıbosynov, Bekdáýlet Ibragımov, Asqar Erýbek, Erjan Maqashbaev, Qýan Qýatov, Erik Áljanov, Vasılıı Levıt, Qamshybek Qonqabaev, Nurbolat Sermahanov, Nurlan Saparbaı, Nurjan Bekzatov tanystyrady. Qazaqstannyń áıelder ulttyq sport komandasynyń bas bapkeri Vadım Prısıajnıýk atap ótkendeı, bul týrnır onyń komandasyna bıyl qarashada Vetnamda ótetin Azııa chempıonatyna daıyndalýyna múmkindik beredi.
«QR Prezıdenti Kýbogynyń týrnırine ulttyq áıelder komandasynyń quramasy alǵash ret qatysqaly otyr. Buryn tek erler qatysatyn. Qazir 3 salmaqtyq olımpıada dárejesin engizdi. Jalpy 31 adam bokstasady. Bizde qazir qarashada Vetnamda ótetin Azııa chempıonatyna daıyndyq júrip jatyr. Biz munda osy salmaq dárejelerindegi ózimizdiń alǵashqy nómirlerimizdi usyndyq», - dedi Prısıajnıýk.
QR Prezıdenti Kýbogy týrnıriniń sýpervaızeri Valerıı Rachkov óz kezeginde atap ótkendeı, bul týrnır Tokıodaǵy Olımpıadanyń bolashaq qatysýshylaryn anyqtaýǵa kómektesedi.
«Bıyl quramymyz oıymyzdaǵydaı tolymdy emes. Ókinishke oraı, Álem chempıonatyna komandamyz tolyq tańdalǵan joq. Azııa chempıonatynyń qaıda ótkendigin bilemiz, sondyqtan jaqsy nátıjege qol jetkizý qıyn boldy. Alaıda, sportshylarymyz iriktelinip alyndy, bul olar úshin álem chempıonatynyń aldyndaǵy ótkir tájirıbe boldy. Ol álemdik arenadaǵy jumsalǵan kúshti belgilep, Tokıodaǵy Olımpıada oıyndaryndaǵy sportshylardy anyqtap beredi. Solardyń ishinde Qazaqstan quramasy úlken quramda bolady dep úmittenemin», - dep atap ótti Rachkov.
Týrnırdiń fınaly 10 maýsym, senbi kúni ótedi. Jeńimpazdar 2000 dollar kúmis júldeger - 1000 dollar, úshinshi oryn alǵandar - 500 dollar kóleminde syıaqy alady.
